Til venstre er framsida til FriFagbevegelse.no. Til høgre er redaktør Frode Rønning.
Til venstre er framsida til FriFagbevegelse.no. Til høgre er redaktør Frode Rønning. (Foto: Skjermdump/LO Media)

TEKNISK FEIL:

Framsida til FriFagbevegelse erstatta av mann med bart: – Ikkje russisk hacking

Rart bilete dukka opp som framsida på www.frifagbevegelse.no torsdag ettermiddag.

I om lag 10-15 minuttar torsdag ettermiddag sørgja ein teknisk feil hos Fri Fagbevegelse for at ein ukjent mann med bart dukka opp som framsida til nettavisa.

– Det er ein teknisk feil. Sida vår vart sendt vidare til ein annan leverandør som alle lesarane vår sida vår hos. Nokre gongar heng det seg opp og når det skjer så dukkar det opp eit bilete som erstattar framsida vår, seier redaktør i Fri Fagbevegelse, Frode Rønning, til Medier24.

Han held fram:

– Det er ikkje russisk hacking, altså! Det kunne vore det, men er berre ein norsk leverandør, seier han humoristisk.

Feilen er no retta opp i.

Rønning fortel at det ikkje er første gong noko liknande skjer for den LO Media-eigde avisa, som skriv om arbeidsliv og fagrørsla.

– Det er litt irriterande. Eg har ikkje høyrd om andre som har det på den måten. Me har klaga på det tidlegare.

– Kven var han fyren?

– Det hugsar eg ikkje. Han såg ut som ein tillitsvald i industrien, gjorde han ikkje?

Medier24 får av ein tipsar torsdag ettermiddag melding om at mannen på biletet er Audun Sør-Reime, opplysningssekretær i Norsk Jernbaneforbund.

Rønning ser likevel eit lite glimt av alvor i glippen:

– Det er ikkje det største problemet, men det ser uproft ut. Det er ikkje bra.

– Kor lenge var det slik?

– 10-15 minuttar i dag. Det ligg slik fram til me oppdagar det.

 
Til toppen